انتفاضة

السلام عليكم آل الفزياء الحيوية حلوان بعد تفريغ شحنة الغضب بالامس وياريت محدش يزعل منى .بس النهاردة يوم جديد احنا اول ماعرفنا ان احنا غى حالة خطر من شر الغول اللى هو الروتين بدانا بالتحرك ضده بس الموضوع محتاج مثابرة وطول بال النهاردة الامل موجود طول ما القلب فيه نبض واللسان فيه كلام واليد بتكتب والحبر فى العروق .

احنا الدفعة الخامسة من القسم يبقى مش معقول نخرخ زى اللى خرجوا قبلنا محتاجين نعمل انتفاضة وانتفاضة مش عادية علشان نخرج واحنا فعلا فيزياء حيوية مش فيزياء ملوخية وده اقتباس من كلام معيد فى الكلية بدون ذكر اسماء.
[size=18][/sizeهنعمل ايه؟
اولا نجدد نيتنا انها خدمة لدين الاسلام
ثانيا نبدا نتحرك وراء بصيص الامل الموجودبمعنى وقفة د/همام وكمان نشوف د/امانى
ثالثا نحشد الاراء من صف الدكاترة والمعيدين علشان مجلس القسم وعلى فكرة فى بعض العدين معانا وعارفين احنا عايزين ايه
رابعا نعين مندوب او اتنين عن الدفعة يكلم العميد ورؤساء الاقسام
خامسا نجيب مناهج من القاهرة وعين شمس ان امكن علشان السليبس
سادسااوعوا تفقدوا الامل احنا المفروض نتعلق بالامل حتى ولو وقف فى طريقنا د/مدحت
الموضوع مش بسيط وهيغير من ملامح الكلية بس محتاج جدعان وراه دا حقنا ومحدش هيخده مننا حتى لو وصلت ان احنا نعمل اضراب او اعتصام بس هو ان شاء الله مش هيوصل لكدة دا اذا اتحركنا كلنا من دلوقتى الكلام المباشر هيقل وهيبدا اللعب من تحت
ياريت اعرف منكم مين اللى معانا ومين الجبان اللى هيهرب من الواجب(عذرا)ياجماعة اى شغل بره هيعمل معانا مقابلة شخصية واحنا منعرفش حاجة عن اى حاجة يبقى نضيع نفسنا ولا ايه .

تمام يا عاشقة الرسول
لكن نحاول مانكنش ضد د0مدحت بشكل واضح
لانه كدة كدة هيدينا السنة الى جاية فى اكثرمن مادة عشان لقدر الله الموضوع وقف لازم نضمن على القل اننا نطلع بخير من سنة رابعة الى مش عجبانا

كلنا باذن الله ايد واحده
وبلاش ناخد اىموقف عدائى مع اى حد عشان فى النهايه اكيد اىد/ له مكانته واحنا محتاجينه بس بمنتهى العقل هنمشى امورنا وياريت نتفق ع المعاد اللى هنتجمع فيه عشان نكلم العميد مره تانيه
وانتى اللى هتحددى المعاد باليوم والساعه واى تاخير من اى فرد هيبقى تقصير منه
والله المستعان

لعب ايه اللى من تحت احنا مش بنعمل حاجه غلط عشان نخاف منها واذا كنا مؤمنين ان ده حقنا (وهو فعلا ) ليه نخاف و ندارى كلمنا.
هيظل كلامنا صريح و مباشر ما لم نغلط فى احد
و ربنا معانا ان شاء الله
ولكن فين باقى الدفعة

اولأ أنا مكنش قصدى خالص اخد اى موقف عدائى ضدد د/مدحت بالعكس أنا كان قصدى ان احنا ميصبناش الأحباط
من كلأمه وده لأنه مع كلأمه مع زميلة لينا كان بيحاول يخلينا نتراجع عن موقفنا أنا مكنش قصدى اى عداء بس كان قصدى عدم الأحباط.

ولو على المعاد احنا ان شاء الرحمن نزلين لدكتورة امانى يوم الأحد القادم ولو فعلأ اتغير المعمل يبقى نرجع لدكتور رزق ونقله
يبقى أحسن حل ان الأقرب للكلية ينزل يوم الأحد الساعة 10,5واعتقد ان الأقرب للكلية عدد معقول ولو حصل اى تغير يبقى نتفق على معاد نزولنا كلنا بس اللى مش نازل يدعى

أنا قصدى باللعب اللى من تحت هو عدم الأحتكاك المباشر باعلى قيادة يعنى اللعب مع اللى تحت رئيس القسم من الدكاترة والمعدين لحد ما يبقى معنا قاعدة قوية تتكلم معنا