ليه عملنا منتدى تطوير قدرات البيوفيزيائيين ؟؟؟

الثلاثاء سبتمبر 16, 2008 9:01 pm

السلام عليكم ورحمه الله وبركاته

أولا أحب اشكر الجنرال على إنشاء منتدى تطوير قدرات البيوفيزيائيين

ثانيا : قبل ما نحط أى موضوع في المنتدى حبيت اعرف الأعضاء ليه تم إنشاء المنتدى ده وإيه أهدافه

إحنا دايما في احلي منتدى كان شعارنا بأيدينا نخلى مستقبلنا أفضل وبدئنا فعلا في تبادل المواد العلمية المفيدة وإثارة أفكار ومناقشه مواضيع مهمة تشغل بالنا في نواحي علميه وغير علميه .......واختلافنا.... واتفقنا ....

وكانت دى البداية .. وزى ما كلنا عارفين إن المنتدى عمره مش كبير أوى

بس كان كل ما يكبر بيتمنى يحقق أهدافه أكثر و يتمنى ينمي أعضاءه ويحقق لهم أقصى استفادة .

مش بس على المستوى المعنوي وتبادل المعلومات العامة والآراء .... لا كمان على المستوى المادي والدراسي

ازاى ؟؟؟؟؟؟

اعتقد إن معظمنا طلاب وشباب في الجامعة لسه بنفكر في بناء مستقبلنا وان معظمنا كمان من نفس التخصص بيوفيزيائيين .... عشان كده وانطلاقا من شعار منتدانا إن بأيدينا فعلا نخلى مستقبلنا أفضل بمساعده جدية أعضائه ...:كان منتدى تطوير البيوفيزيائيين

طيب هانعمل إيه بالضبط ؟؟؟؟

أول أهداف منتدانا انه يخلى أعضائه يتخرجوا من الجامعة وهما

1- متفوقين دراسيا ( اى حاصلين على أعلى التقديرات )

2- مؤهلين بالتدريبات والكورسات واللغات الازمه لسوق العمل

3- ثم الإعلان عن فرص العمل وتوجيه أعضائه لمحال العمل المناسبة

4-تثقيفهم ونزويدهم بكتب العلميه اللازمه لهم

5- عمل شراكه بين الأعضاء فيما بعد على أفكار البحث العلمي وتكوين مجموعات علميه لها نفس الاهتمام

وسيتم توضيح كيف سيحدث ذلك وكثير من الأفكار والخدمات الأخرى التي سيقدمها المنتدى لأعضائه الأعزاء ولكن كل في وقته إن شاء الله

ويذلك نكون قد ساعدنا في وضع حجر الأساس لعلماء الغد ... وساعدنا فى تطوير قسمنا الغالي وإعلاء شأنه في مصر ومنها إلى العالم .... مما يعود على بلدنا الحبيبه على ايدى أبنائها العظام .

ونخلى مستقبلنا افضل

فيفخر المنتدى بأعضائه ....... ويصبح هو فخر لهم ...

يا ريت اعرف رايكم

ولو فعلا بدأنا مشروعات زى دى هاتكونوا جاديين معانا فى تنفيذها ....

[ندعوك للتسجيل في المنتدى أو التعريف بنفسك لمعاينة هذه الصورة]

الأربعاء سبتمبر 17, 2008 8:53 pm

سلام عليكم ورحمة الله

انا اكيد معاكى فى المنتدى ده وعلى استعاد كامل بإنى اساعد فى تحقيق الافكار الرائعة ده لكن انا عايزة اعرف منك ازاى هنقدر نبدأ نحقق الخطوات ده مع العلم انى بجد معنديش استعداد اتكلم وبس فمتقلقيش منى و ان شاء الله نقدر

وفكرة الشراكة بين الاعضاء فى عمل بحث علمى او مشروع ده حلم كان من زمان فى تفكيرى من اول ماعملنا جروب القسم عندنا اللى انا شايفاه انه فشل وماحققش اهدافه . اتمنى اننا بإذن الله نقدر نكمل ونتواصل بشكل عملى ايجابى

Neno2007

الخميس سبتمبر 18, 2008 12:28 am

بسم الله الرحمن الرحيم

اولا اهلا بيكي يا NENO
في المنتدي بتاعنا
واتمني انك تشاركينا بمواضيع متميزة و هادفة
اعتقد ان الدوك هدير كانت معايا من اول فكرة انشاء القسم ده في المنتدي
وذي ما قالت الدوك اننا هنحاول نحط المادة العلمية المنتقاة بعناية فائقة
واللي الهدف الرئيسي منها اثراء خبرات البيوفيزيائيين ومهاراتهم
سواء النظرية او العملية
و ان شاء الله هنحاول نحط كام مرجع من المراجع المهمة جدا
في المجالات اللي تهمنا جدا

انا عاوز اقول ان اللي هيميز المنتدي ده عن غيره
ان مش اي موضوع هيتحط فيه
لا خالص
القسم ده بالذات مش هنقعد نملاه مواضيع علي الفاضي
المواضيع المهمة بس هي اللي هتتحط

اتمني ان المهمة دي يشارك فيها كل الزملاء من البيوفيزيائيين او غيرهم
لان ده مش لفائدة شخص او اتنين
ده للمصلحة العامة

الخميس سبتمبر 18, 2008 2:01 pm

فكرة جميلة بس ياريت نبدأنشتغل مع بعض بجد

الجمعة أكتوبر 24, 2008 11:40 am

السلام عليكم ورحمه الله وبركاته

انا كنت عايز اوضح اكتر ان منتدى تطوير قدرات البيوفيزيائيين مش معمول مخصوص عشان تبادل الماده العلميه .. لا

الماده العلميه ككتب قيمه ومقالات وشروح ليها نصييب كافى فى المنتدى فى المنتديات التاليه

nuclear medicine

related biology

biophysics student

biophysics library

الكتب والاكتشافات العلميه

وهكذا

ولكن المنتدى هدفه الاكبر هو تتطوير القدرات اللى هتستقبل الماده العلميه دى

زى التشجيع على التقوق الدراسى وده زى الحاصل دلوقتى فى موضوع "ازاى اتفوق دراسيا واحصل على لقب المنتدى " و تزيودها بخصائص تميزها عن غيرها زى الكمبيوترواللغات وعمل شراكه فى البحث العلمى ده الى يبدا تنفيذه فى اول الاجازه ان شاء الله

بس لو بدانا نحط فيه مواضيع عن شرح العلوم المختلفه والكتب هيبقى مش متخصص خالص فى عمله

وكمان ياخد وظيفه كل من منتىد الbiophysic libraryوالbiophysics student

لكن لو حابين تدخل شويه فى مجال العلم و شرح العقبات العلميه الصعبه اللى بتقف امام الطلاب فى الدراسه

احنا ممكن نعمل موضوع عن اى مشكله علميه صعبه اوجزء من ماده مش مفهوم

يدخل عليه الطلاب ويكتبوا فيه المشكله دى ويشترك الاعضاء فى وضع مشاركات تساعده على فهم الجزء ده

يا ربت اعرف رايكوا فى الموضوع ده وخاصه المديرين

والسلام عليكم ورحمه الله وبركاته

ليه عملنا منتدى تطوير قدرات البيوفيزيائيين ؟؟؟

ليه عملنا منتدى تطوير قدرات البيوفيزيائيين ؟؟؟

رد: ليه عملنا منتدى تطوير قدرات البيوفيزيائيين ؟؟؟

رد: ليه عملنا منتدى تطوير قدرات البيوفيزيائيين ؟؟؟

رد: ليه عملنا منتدى تطوير قدرات البيوفيزيائيين ؟؟؟

رد: ليه عملنا منتدى تطوير قدرات البيوفيزيائيين ؟؟؟